Ўзбекистонга амалий ташриф билан келган Чеченистон раҳбари Рамзан Қодиров бошчилигидаги делегация аъзолари 17 октябрь куни Бухорода ҳам бўлди. Бу ҳақда ЎзА хабар бермоқда.
Хорижлик меҳмонларнинг сафари Баҳоуддин Нақшбанд ёдгорлик мажмуаси зиёратидан бошланди. «Улуғ пир қабри ёнида Қуръон тиловат қилинди», — дейилади ЎзА ахборотида.
Шунингдек, меҳмонлар Бухоро шаҳридаги қарийб 500 йиллик тарихга эга Мир Араб мадрасасига ташриф буюрди. Бу ерда 72 йилдан буён ўрта махсус ислом билим юрти фаолият кўрсатмоқда.
«Azon.uz»нинг ёзишича, бу мадрасада ўз вақтида Рамзан Қодировнинг отаси — Аҳмад Қодиров таҳсил олган.
Шунинг билан Чеченистон раҳбари Рамзан Қодировнинг Ўзбекистонга ташрифи ниҳоясига етди.
Рамзан Қодиров 16 октябрь куни Тошкентга келган эди. У шу куни, жумладан, Ўзбекистон Президенти Шавкат Мирзиёев қабулида бўлган эди. 17 октябрь куни Рамзан Қодиров Самарқандга ташриф буюриб, Биринчи Президент Ислом Каримов қабрини зиёрат қилди.Мавзуга доир: Рамзан Қодиров Ислом Каримов қабрини зиёрат қилди
Изоҳ (0)