Бугун,

  • USD 11095.31
  • RUB 173.84
  • EUR 10772.44

Ўзбекистон Президенти Шавкат Мирзиёев 16 октябрь куни Инвестициялар бўйича давлат қўмитаси фаолияти самарадорлигини янада оширишга қаратилган қарорни имзолади. Қарор матни рус тилида Ўзбекистон Президенти расмий веб-сайтида эълон қилинди.

Фото: Google Images (архив)

Фото: Google Images (архив)

Президент қарорига мувофиқ, Тошкент шаҳридаги «Халқаро ҳамкорлик маркази» компанияси ва «Интерсервис» давлат корхонаси Ташқи савдо вазирлиги тузилмасидан Инвестициялар бўйича давлат қўмитаси тузилмасига ўтказилган.

«Халқаро ҳамкорлик маркази» балансидаги Ташкент Плаза савдо маркази Ташқи савдо вазирлигининг «Ўзсаноатекспорт» компанияси ҳисобига, «Халқаро ҳамкорлик маркази»нинг Бўстонлиқ Чимёнидаги дам олиш зонаси вазирликнинг «Ўзтрейд» компанияси балансига ўтказилган.

Ўз навбатида, Президент бир ой муддат ичида «Халқаро ҳамкорлик маркази» устав капиталидаги давлат улушини баҳолаш ва уни белгиланган тартибда сотувга қўйиш ҳақида кўрсатма берган. Бунда марказ устав капиталидаги давлат улуши 51 фоиз миқдорида сақланиб қолиши керак.

Қайд этишларича, Президент ушбу қарорни халқаро конференциялар, семинарлар, йирик инвестиция форумларини ўтказиш йўли билан инвестиция жалб этишни кенгайтириш мақсадида қабул қилган.

Изоҳ
Асосий янгиликлар
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Маслаҳатлар
Ширинликлар ўрнига нима истеъмол қилиш мумкин? Қадди-қоматга зарарсиз тавсиялар