Президент Шавкат Мирзиёев 16 октябрь куни Ўзбекистонга амалий ташриф билан келган Чеченистон раҳбари Рамзан Қодировни қабул қилди. Бу ҳақда ЎзА хабар бермоқда.
Суҳбат давомида Рамзан Қодиров Ўзбекистон ва Чеченистон ўртасидаги ўзаро манфаатли ва кўп қиррали алоқаларни ривожлантириш ва мустаҳкамлашда фаол иштирок этишга тайёр эканини таъкидлади.
Аввалроқ Ўзбекистон ва Чеченистон ўртасидаги икки томонлама ҳамкорликни янада ривожлантириш истиқболлари муҳокама қилингани ҳақида хабар берилган.
Хусусан, мулоқот давомида ўзаро савдо ҳажми ва номенклатурасини кенгайтириш, иқтисодий, маданий-гуманитар соҳаларда қўшма дастур ва лойиҳаларни амалга ошириш масалаларига алоҳида эътибор қаратилган.Ўз навбатида, Рамзан Қодиров унинг Ўзбекистонга ташрифини ташкил қилгани учун Президент Шавкат Мирзиёевга чуқур миннатдорлик билдирган.
Изоҳ (0)