Қорақалпоғистон Республикаси Мўйноқ туманининг ички ва ташқи туризм имкониятларини тўлақонли равишда намойиш қилиш мақсадида 17—18 октябрь кунлари Нукус шаҳри ва Мўйноқ туманида учта йирик фестиваль бўлиб ўтади. Бу ҳақда Ўзбекистон туризмни ривожлантириш давлат қўмитасининг ахборот хизмати хабар берди.
Ушбу тадбирлар доирасида Қорақалпоғистон меҳмонларини I.В.Савицкий номидаги давлат санъат музейи экспозицияси билан таништирилади. Шунингдек, Бердақ номидаги қорақалпоқ давлат академик мусиқали театрининг симфоник оркестри ижросида концерт бўлиб ўтади. Бердақ номидаги Қорақалпоқ давлат академик мусиқали театрида Қашқадарё вилояти театрининг «Танка қайиқ» номли спектакли намойиши этилади.
Шунингдек, Мўйноқ туманидаги маданият ва аҳоли дам олиш маркази залида Бердақ ва Ажиниёз халқ шоирларнинг шеърий-мусиқий халқаро фестивали ўтказилади. Фестивальда барча вилоятлардан фолклор этнографик жамоалар иштирок этади.
Ижодкор ёшлар ўртасида адабиёт ва санъат касб йўналишларида Қорақалпоқ халқ шоирлари Бердақ ва Ажиниёз ижоди мавзусида вилоятлардан қатнашадиган ҳаваскор ёш ижодкор хонанда ва жамоалар қатнашади.
Мўйноқ туманида вилоятлардан ва барча туманлардан иштирок этадиган ошпазлар беллашувида халқаро «Орол балиқларидан 99 тур таомлар» гастрономик фестивали ҳам бўлиб ўтади.
Очиқ осмон остида жойлашган "Кемалар музейи" ёнида "Орол ва Мўйноқнинг тикланиши» халқаро экофестивали ўтказилади. Экофестиваль доирасида умумтаълим мактаби ва ўрта махсус, касб-хунар таълими муассасалари ўқувчи-ёшларининг «Қушлар байрами», «Ер юзлик сувни қўриқлаш» кўргазмалари ва экология мавзусида «Расмлар ва плакатлар» ҳамда ҳунармандларнинг кўргазмалари намойиши бўлиб ўтади.
Фестивальлар якунида меҳмон санъаткорлар ишгирокида гала концерт дастури намойиш этилади.
Изоҳ (0)