12 октябрь, пайшанбага ўтар кечаси Франкфурт-Майнда (Германия жануби) баландлиги 43 метр бўлган ёғочдан ишланган Гёте минораси ёниб кетди. Бу ҳақда «ТАСС» хабар бермоқда.
1931 йилда қурилган кузатув майдончаси шаҳарнинг энг машҳур биноларидан бири эди ва мамлакатнинг энг баланд ёғоч миноралари бешлигига кирарди.
«Заксенхаузендаги Гёте минораси олов ичида қолди. Афсуски, уни қутқариб бўлмайди», — дейилади шаҳар ўт ўчириш хизматининг Twitter’даги саҳифасида. Ўт ўчирувчилар олов яқин атрофда жойлашган кафега тарқалиши олдини олишга уринаётганлиги таъкидланмоқда.
DPA агентлигининг маълум қилишича, ўт ўчирувчилар етиб келган вақтда олов бутун минорани ўраб олган, у қисман қулаган. Ёнғинни Германия молиявий марказининг кўплаб туманларидан кўриш мумкин эди. Ёнғин сабаблари номаълум.
Изоҳ (0)