АҚШ Давлат департаменти Сан-Францискодаги консуллик биносидан байроқлар ўғирланганини билдирган Россия элчихонаси даъвосига изоҳ берди. Бу ҳақда «РБК» маълум қилди.
«Россиянинг Сан-Францискодаги собиқ консуллик биносидан байроқлар ҳурмат билан туширилди ва биноларнинг ҳар бирида ишончли сақланмоқда», — дейилади АҚШ департаменти вакили баёнотида.
Россия элчихонаси дипломатик мулкдан байроқлар олинишини «навбатдаги шармандали ҳодиса» деб атади ва байроқлар қайтарилишини талаб қилди. АҚШ томонига мазкур ҳолат юзасидан кескин норозилик билдирилди.
Россиянинг АҚШдаги элчихонаси 11 октябрь, чоршанба куни кечки пайт Сан-Францискодаги консуллик биноларидан байроқлар ўғирланганини маълум қилди. Консуллик 2 сентябрда Қўшма Штатлар расмийлари қарорига кўра ёпилганди.
Кейинчалик элчихона Россия байроқлари Вашингтондаги савдо вакиллигидан ҳам олиб ташланганини хабар қилди. Ушбу вакиллик ҳам олдинроқ ёпилганди.
Изоҳ (0)