Германияга ёпирилган «Ксавьер» пўртанаси 4 кишининг ўлимига сабаб бўлди. Бу ҳақда Deutsche Welle хабар берди.
Гамбургда илдизи билан қўпорилган дарахт автомобиль устига тушиб, унинг ичидаги аёлни босиб қолди. Бир йўловчи аёл эса касалхонага етказилди.
Ной-Карштедт шаҳрида ҳам юк машинаси ҳайдовчиси дарахт қулаши қурбони бўлди. Яна икки киши Браденбург ерида ҳалок бўлди.
Ўз навбатида, Bild Браденбургда 4 киши ҳаётдан кўз юмганини билдирди. Шу тариқа, ҳалок бўлганларнинг умумий сони 6 кишини ташкил этади.
Deutsche Bahn темир йўл компанияси Германия шимоли ва мамлакат шарқидаги айрим минтақаларда поездлар ҳаракатланишини тўлиқ тўхтатди.
Изоҳ (0)