Россиянинг Владимир вилоятида юз берган автобус ва поезд тўқнашуви оқибатида жабрланган икки боланинг аҳволи оғир. Бу ҳақда, вилоят губернатори матбуот котиби Рита Шляхова тақдим этган маълумотга асосланиб, «РБК» хабар бермоқда.
«Биз Шошилинч болалар жарроҳлиги ва травматологияси илмий-текшириш институти билан яқин алоқада бўлиб турибмиз. Икки бола оғир аҳволда маҳаллий вилоят клиник касалхонасига ётқизилгани маълум. Владимир вилояти губернатори Светлана Орлова ҳам ҳодиса жойида бўлиб турибди», — деди Шляхова.
Мавзуга доир: Россия терговчилари Владимирда камида 15 ўзбекистонликнинг ўлимига сабаб бўлган ЙТҲ бўйича иш очди
6 октябрь куни маҳаллий вақт билан соат 3:39 да (Тошкент вақти билан 6:39 да) Владимир вилояти Петушинский туманидаги темирйўл кесишмасида автобус ва поезд ўртасида тўқнашув юз берган. Автобус носозлик сабаб кесишма устида ўчиб қолган. Поезд машинисти составни фавқулодда тўхтатишга уринган, бироқ бунинг уддасидан чиқа олмаган.
Ҳалок бўлганларнинг бари автобус салонида бўлган. Қозоғистон ТИВ матбуот хизмати маълумотларига кўра, автобус салонида жами 57 киши бўлган — уларнинг 55 нафари ўзбекистонлик йўловчилар, қолган иккиси қозоғистонлик ҳайдовчи эди. Владимир вилояти Соғлиқни сақлаш идораси маълумотларига кўра, авариядан омон қолган 34 киши вақтинча яшаш пунктида бўлиб турибди.
Изоҳ (0)