Қўшма Штатлар БМТга аъзо мамлакатларни ишлаб чиқилишида ҳеч бир ядровий давлат қатнашмаган ядро қуролини тақиқлаш ҳақидаги шартномани имзоламасликка чақирди. Бу ҳақда «ТАСС» хабар бермоқда.
«Бизни 20 сентябрдан имзолаш учун очилган мазкур шартнома нафақат бефойда, балки самарасиз ҳам эканлиги ташвишга солмоқда. Ҳужжат сиёсий келишмовчиликлар кучайишига олиб келади. КХДР билан боғлиқ вазият, афсуски, ядровий тийиб туришни заруратга айлантирмоқда» , — деди АҚШ Давлат котибининг қуролланиш устидан назорат бўйича ёрдамчиси Анита Фридт.
Ядро қуролини тақиқлаш ҳақидаги шартнома жорий йил 7 июлида ядровий давлатлар, жумладан, Россия, Буюк Британия, Хитой, АҚШ ва Франция қатнашмаган музокаралар натижалари бўйича қабул қилинганди.Унинг иштирокчилари ҳеч қачон ва ҳар қандай шароитда ҳам ядро қуролини тайёрламаслик, синовдан ўтказмаслик, ишлаб чиқармаслик ва тўпламаслик, қўлламаслик ва қўллаш билан таҳдид қилмаслик мажбуриятини олади.
Шартнома унга 50 давлат қўшилганидан сўнг 90 кун ўтиб кучга киради. Ҳозирда ушбу ҳужжатни 50 га яқин мамлакат имзолади.
Изоҳ (0)