Мексикадаги зилзила қурбонлари сони 369 кишига етди. Бу ҳақда мамлакат фуқаро мудофааси миллий координатори Луис Фелипе Пуэнте маълум қилди, деб хабар берди «РИА Новости».
«Жами 369 киши ҳалок бўлди: Мехико шаҳрида — 228, Морелос штатида — 74, Пуэблада — 45, Мехико штатида — 15, Геррерода — 6 ва Оахакада — 1 киши», — деб ёзади Луис Фелипе Пуэнте ўзининг Twitter’даги саҳифасида.
Шу билан бигра, Мехикодаги Альваро Обрегон кўчасида вайрон бўлган №286 уйда қутқарув-қидирув ишлари ниҳоясига етди. Шаҳар ҳукуматининг табиий офат бўйича ҳалок бўлганларнинг яқинлари билан алоқани таъминловчи вакили Валентин Оньярте 4 октябрь, чоршанба куни ушбу уй вайроналари остидан сўнгги қурбоннинг жасади чиқариб олинганини маълум қилди. Ушбу манзилда ҳалок бўлганларнинг умумий сони 49 кишига етди, яна 30 га яқин одам вайроналар остидан қутқариб олинган.
Мавзуга доир: Мексикада зилзиладан оқибатида етказилган зарар 2 миллиард долларга баҳоланди
Изоҳ (0)