Каталония раҳбари Карлес Пучдемон Испания бош прокурори Хосе Мануэль Масага қарши даъво киритди, дея хабар беради «ТАСС».
Маса автономиянинг мустақиллик тўғрисидаги референдум ўтказилишига кўмак беришга рози бўлган 700 та аҳоли пункти мэрини сўроққа чақирганди.
Пучдемонни Бош прокуратура полиция ходимларига овоз беришга йўл қўймаслик юзасидан кўрсатма бергани ва шу тариқа суд ваколатларига тажовуз қилгани ҳам қониқтирмади.
Автономия раҳбарига кўра, гап ҳокимиятни суиисътемол қилиш ва ваколатлардан ноқонуний фойдаланиш ҳақида кетмоқда. Даъво Каталония Олий судига киритилди.
Эслатиб ўтамиз, олдинроқ Испания бош прокурори Карлес Пучдемон ҳибсга олиниши эҳтимолини истисно этмаганди.
Изоҳ (0)