АҚШ ички ишлар вазирлиги назорат органи вазир Райан Зинкега нисбатан мамлакат бўйлаб хусусий самолётларда ҳаракатлангани сабабли текширув бошлади. Бу ҳақда «РБК» хабар бермоқда.
Қўшма Штатлар бош инспектори аппарати матбуот котиби Нэнси Ди Паолога кўра, назорат органи ўтган ҳафтада «кўплаб шикоятлар олди» ва Зинкега нисбатан текширувни бошлади.
Politico нашри АҚШ ИИВ раҳбари жорий йилда бир неча бор хусусий самолётда учгани, жумладан, Лас-Вегасдан Монтана штатидаги туғилиб-ўсган шаҳри аэропортига парвоз қилганини билдирди. Мазкур парвоз солиқ тўловчиларга 12 минг долларга тушди.
АҚШ соғлиқни сақлаш ва ижтимоий хизматлар вазири Томас Прайс шундай айбловлар туфайли 30 сентябрь куни истеъфога чиққанди. Вазир 2017 йил май ойидан бери хусусий самолётлардан камида 26 маротаба фойдаланди ва бу ғазнага 1 миллион долларга тушди. Прайс ушбу суммадан атиги 52 минг долларини қайтаришни ваъда берди.
Изоҳ (0)