Мексика шимолидаги Тамаулипас штатида содир бўлган сув тошқини оқибатида икки киши, жумладан, бир нафар ёш бола ҳалок бўлди, 18 минг кишининг мулкига зарар етди. Бу ҳақда мамлакатнинг Ҳарбий-денгиз флоти вазирлигига таяниб, «РИА Новости» хабар берди.
Идоранинг маълумотларига кўра, Тамаулипасда қутқарув ишлари бошланган бўлиб, 330 дан ортиқ одам эвакуация қилинган. Шу билан бирга, Ҳарбий-денгиз флоти жабрланганларни ташишда Россияда ишлаб чиқарилган бешта «Урал» юк ташувчи автомобилларидан фойдаланмоқда.
Мамлакат фуқаролик мудофааси хизмати Алтамира шаҳри энг кўп зарар кўрганлигини хабар қилди, бу ерда ёмғир даражаси 245 миллиметрга етган.
Изоҳ (0)