Мексикада 19 сентябрь куни содир бўлган зилзила оқибатида ҳалок бўлганлар сони ортишда давом этмоқда. Айни вақтга қадар вайроналар остидан 355 кишининг жасади чиқариб олинди. Бу ҳақда фуқаролик мудофааси хизмати миллий координатори Луис Фелипе Пуэнтега асосланиб, «ТАСС» хабар берди.
«Бутун мамлакат бўйлаб 355 киши ҳалок бўлди: Мехико шаҳрида 214 нафар, Морелос штатида — 74, Пуэбледа — 45, Мехико штатида — 13, Геррерода — 6 та ва Оахакада — бир киши», — деб ёзади Пуэнте. Мехикода вайрон бўлган биноларни тозалаш ишлари давом этмоқда. 400 га яқин жабрланувчи шифохонада, улардан 60 нафарининг аҳволи оғир.
Мексика миллий сейсмология хизматининг маълумотларига кўра, ер ости силкинишларининг эпимаркази пойтахтдан 111 километр жанубда, Ахочьяпан (Морелос штати) аҳоли пунктидан 12 километр жануби-шарқда жойлашган. Унинг ўчоғи 57 километр чуқурликда бўлган.
Изоҳ (0)