Ироқ ҳарбий-ҳаво кучлари томонидан Киркук вилоятининг Ал-Хувайжа шаҳрида ИШИД марраларига уюштирилган авиаҳужум натижасида 100 га яқин жангари ўлдирилди. Бу ҳақда «ТАСС» хабар бермоқда.
Ироқ армиясига кўра, самолётлар 29 сентябрь, жума куни Ал-Хувайжада бир неча зарба берди ва 96 нафар ИШИД тарафдори, 10 дан ортиқ, жумладан, портловчи моддалар билан ҳам тўлдирилган автомобилни йўқ қилди.
Ироқ бош вазири, қуролли кучлар бош қўмондони Ҳайдар ал-Ободий 21 сентябрда Ал-Хувайжада ИШИД марраларига кенг кўламли ҳужум бошланишини эълон қилганди. Операцияда армия бўлинмалари, федерал полиция отрядлари, ИИВ махсус кучлари ва шиа кўнгиллилари иштирок этмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)