Мексика алоқа ва транспорт вазирлигининг бош биноси зилзила оқибатида шикастлангани сабаб бузиб ташланади. Бу ҳақда портларни ривожлантириш ва бошқариш департаменти бош директори Фернандо Гамбоа маълум қилди, деб хабар берди «РИА Новости».
1950 йилда қурилган вазирлик биноси машҳур мексикалик рассомлар, жумладан, Хосе Чавес Морадо, Франсиско Суньига, Родриго Аренас Бетанкур томонидан безатилган. Ҳозирда у ерда 2,5 минг одам ишламоқда.
Бундан ташқари, Мексиканинг Идальго штатидаги 12 мактаб ҳам худди шу сабабларга кўра бузиб ташланиб, қайта қурилади. Штат халқ таълими вазири Сайонара Варгаснинг айтишича, ушбу мактаб ўқувчилари таъмирлаш ишлари даврида вақтинчалик бошқа ерда таълим олиб туради.
Штатда 12 та мактабдан ташқари яна 370 та таълим муассасалари таъмирга муҳтож.
19 сентябрь куни Мексикада 7,1 магнитудали зилзила содир бўлганди. Сўнгги маълумотларга кўра, ер ости силкинишлари оқибатида бутун мамлакат бўйлаб 344 киши ҳалок бўлган.
Изоҳ (0)