Тошкент Шимолий вокзали яқинида қайтадан қуриб битказилган кўприк транспорт воситалари ҳаракати учун очилди. «Nuz.uz»нинг ёзишича, 28 сентябрь оқшомидаёқ кўприк бўйлаб автомобиллар ҳаракат қилаётган эди.
«Ҳайдовчилар авваллари тор кўчалар ва тирбанд йўллар сабаб ярим соатда борадиган манзилларига бугун, 29 сентябрь куни тонгда саноқли дақиқаларда етиб олишга муваффақ бўлишди», — деб ёзади «Nuz.uz» нашри.
Аввал хабар берилганидек, Миробод туманидаги аввалдан мавжуд 346 метрлик кўприк реконструкция қилинди — унга қўшимча 281 метрлик йўл ўтказгич уланди. Кўприкнинг икки томонида пиёдалар учун йўлаклар бор.
Кўприкнинг 2008 йилда бузиб ташланган бу қисмини қайта тиклаш ҳақидаги кўрсатма 2017 йил баҳорида Ўзбекистон Президенти Шавкат Мирзиёев томонидан берилган эди.
Изоҳ (0)