Дунёдаги энг оғир аёл ҳисобланган мисрлик Имон Аҳмад Абдулати тана вазнини камайтириш бўйича ўтказилган қатор операциялардан сўнг БАА пойтахти Абу-Даби шаҳрида вафот этди. Бу ҳақда «РИА Новости» хабар бермоқда.
Дастлаб 500 килограмм вазнга эга бўлган Абдулати Мумбай шаҳридаги даволаниш жараёнида 200 килограмм вазн йўқотди. Бироқ, эришилган натижага қарамай аёлнинг опаси даволаш усулларига ишончсизлик билдирди. Шундан сўнг Абдулати даволанишнинг кейинги босқичини давом эттириш учун БААга йўл олди.
Burjeel Hospital касалхонаси маъмурияти Абдулатининг ўлимидан қаттиқ қайғуда эканлиги маълум қилинган.
«Имон 25 сентябрь куни буйрак етишмовчилиги ва ичаклардан овқат ўтмай қолиши оқибатида вафот этди. Уни турли мутахассисликка эга 20 дан ортиқ шифокор назорат қилди. Шифокорлар ёрдамида Имон БААга келган вақтига нисбатан ўзини анча яхши ҳис этишига эришилди. Биз марҳуманинг оила аъзоларига самимий ҳамдардлик билдирамиз», — дейилади касалхона баёнотида.
Абдулатининг фожиали тақдири 2016 йилнинг октябрь ойида кенг оммага маълум бўлган эди. Имон Аҳмад Абдулати йириклашув касаллиги ҳамда темир етишмовчилиги билан оғриган. Бундан ташқари, у бош мияга қон қуйилиши (инсульт)га учраб, 25 ёшида ётоққа михланиб қолган эди.
Изоҳ (0)