Эрон Ироқ ҳукуматининг талабидан сўнг, Ироқ Курдистони билан бир томонлама равишда чегарани ёпиб қўйди. Бу ҳақда Эрон Ташқи ишлар вазирлигининг расмий вакили Бахрам Гасеми маълум қилди, деб хабар берди «ТАСС».
«Биз Ироқ ҳукуматининг тегишли расмий илтимосидан сўнг, Ироқ Курдистони билан чегараларимизни ёпдик. Биз Ироқ суверенитети ва ҳудудий яхтлиги тамойилларини ҳурмат қиламиз ва унга нисбатан йўналтирилган ҳар қандай ҳаракатлар хато деб ҳисоблаймиз», — дея Меҳр агентлиги ТИВ вакилининг сўзларидан парча келтирди.
Аввалроқ, Эрон Бағдоднинг расмий илтимосига кўра, Ироқ Курдистони аэропортларига рейсларни тўхтатиб қўйганди. Ироқ Курдистони билан қуруқлик алоқларининг тўхтатиб қўйилиши у ерда бўлиб ўтаётган мустақиллик рефернендуми фонида амалга оширилди.
Эрон миллий хавфсизлиги Олий кенгаши котиби Али Шамханий ўтган ҳафта Эрон «фақатгина Бағдод билан имзоланган келишувларни тан олади» деган эди. Курдистоннинг Ироқдан ажралиб чиқиши «автоматик равишда Ироқ билан хавфсизлик юзасидан тузилган барча битимларни бекор қилади ва қуруқлик чегараларининг ёпилишига олиб келади».
Изоҳ (0)