АҚШ президентининг рафиқаси Мелания Трамп ўтган дам олиш кунлари биринчи хоним сифатидаги илк хорижий сафарини амалга оширди. Бу ҳақда «ТАСС» хабар бермоқда.
Мелания Канаданинг Торонто шаҳрида ногирон ҳарбий хизматчиларнинг «Таслим бўлмаганлар ўйини» халқаро мусобақаларида иштирок этадиган АҚШ делегациясига бошчилик қилди.
Унга АҚШ Давлат котибининг биринчи ўринбосари Жон Салливан ва фахрийлар иши бўйича вазир Дэвид Шулкин ҳамроҳлик қилди. Ўйинларда жами 100 нафарга яқин америкалик қатнашди.
Биринчи хоним 2014 йилдан бери ҳар йили ўтказиб келинаётган мазкур мусобақа ташаббускори, Буюк Британия шаҳзодаси Гарри ва Канада бош вазири Жастин Трюдо билан учрашди. АҚШ жамоаси аъзоларини қўллаб-қувватлади.
АҚШ президенти Дональд Трамп Twitter’да рафиқасининг Канададаги учрашувлари фотосини жойлаштирди ва «Биринчи хоним билан жуда фахрланаман. У чиндан ҳам мамлакатимизнинг ажойиб вакили», дея изоҳ қолдирди.
Изоҳ (0)