Ўзбекистон Миллий хавфсизлик хизмати Андижон вилоят бошқармаси ходимларининг Бош прокуратура ҳузуридаги Солиқ, валютага оид жиноятларга ва жиноий фаолиятдан олинган даромадларни легаллаштиришга қарши курашиш департаментнинг Андижон вилоят бошқармаси ходимлари билан ҳамкорликда ўтказган тезкор тадбирлари натижасида Андижон вилоятида 18800 долларни сотаётган фуқаролар қўлга олинди. Бу ҳақда «Ўзбекистон 24» хабар берди.
Фуқаролар Ойбек Қаҳҳоров ва Гулбаҳор Мамадалиева осон ва мўмай даромад топишни кўзлаб, хорижий валютанинг ноқонуний олди-сотдиси билан шуғулланмоқчи бўлган. Улар ҳар бирини 8100 сўмдан ҳисоблаб, 20 минг АҚШ долларини 162 миллион сўмга сотишга келишган. Шундан 18800 АҚШ долларини сотаётган вақтда улар ашёвий далиллар билан қўлга олинди.
Ушбу ҳолат юзасидан Бош прокуратура ҳузуридаги департаментнинг Андижон вилоят бошқармаси томонидан Ўзбекистон Республикаси Жиноят Кодексининг 177-моддаси билан жиноят иши қўзғатилган.
Изоҳ (0)