2017 йилнинг 21 сентябрь куни тахминан соат 21:30 дан 22:00 гача бўлган вақт оралиғида номаълум шахслар Тошкент шаҳар Яккасарой туманида жойлашган масъулияти чекланган жамият биноси ичкарисига ғайриқонуний равишда кириб, шу ердаги сейф ичидан фуқаро Умирбек Турдиевга тегишли бўлган 177000 АҚШ доллари миқдоридаги пулларни қўлга киритган. Бу ҳақда Тошкент шаҳар ИИББ хабар берди.
Шундан сўнг номаълум шахслар мазкур жамият ишчисининг ҳаёти ва соғлиги учун хавфли бўлмаган зўрлик ишлатиб, жиноят содир этилган жойдан яширинган.
Мазкур ҳолат юзасидан Яккасарой тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 166-моддаси 4-қисми «а» банди билан жиноят иши қўзғатилган.
Ички ишлар идоралари ходимлари томонидан ўтказилган тергов-тезкор тадбирлари натижасида, мазкур жиноятни Хайрулла Сайдуллаев, Мўминжон Саидов ва Нодирбек Насриддинов содир этганлиги аниқланган.
Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда.
Жабрланувчининг анкета маълумотлари ўзгартирилган бўлиб, фамилияси ва исмининг ҳар қандай ўхшашлиги тасодифий характерга эга.
Изоҳ (0)