Тошкент шаҳар Чилонзор туманида 23 сентябрь куни тахминан соат 18:30 да такси ҳайдовчиси Бунёдкор кўчасида автомобилни катта тезликда бошқариб, дарахтга бориб урилган. Бунинг оқибатида бир аёл ҳалок бўлган, унинг набиралари мия чайқалиши жароҳатини олган. Бу ҳақда UzNews хабар берди.
Cobalt автомобили ҳайдовчиси катта тезликда ҳаракатланиб, автомобиль бошқарувини йўқотган ва йўл четидаги дарахтга бориб урилган.
Нашрнинг Тошкент шаҳар ИИББ ЙҲХБга таяниб ёзишича, ЙТҲ оқибатда такси йўловчиси бўлган 1950 йилда туғилган аёл оғир тан жароҳатидан касалхонада вафот этган.
Машинада аёлнинг 11 ва 8 ёшли икки нафар набираси ҳам бўлган. Улар бошидан ўрта оғирликдаги жароҳат олган. 1980 йилда туғилган ҳайдовчининг эса сон суяги синган.
Мазкур ҳолат бўйича жиноят иши қўзғатилиб, иш ҳужжатлари Тошкент шаҳар ИИББ Тергов бўлимига юборилган.
Изоҳ (0)