Йил бошидан бери Тошкент шаҳрида уй ва кўча жониворлари ҳужумидан 3527 киши жабрланди, улардан 1633 нафарини дайди итлар тишлади. Шаҳар ҳокимлигига кўра, бу касал ит ёки мушуклардан қутуришни юқтириб олиш хавфини туғдиради, дея хабар беради «Kommersant.uz».
Тошкент шаҳридаги уйсиз жониворларни тутиш отрядларига фаолиятни кучайтириш ва куну тун иш тартибига ўтиш топширилди. 11 та бригада зарурат бўлганда қўшимча техника ва транспорт, ёқилғи-мойлаш материаллари, жониворларни тутиш учун жиҳоз ва махсус ашёлар билан таъминланади.
Қутурган жониворлар аниқланган тақдирда хизматларга уларни жойида отиб ташлаш тавсия этилди.
Маълумот учун, ўтган йили Тошкент шаҳрида махсус отрядлар томонидан 10 993 та, жорий йил 8 ойи мобайнида эса 7041 та жонивор тутилди. 2016 йили кўчаларда 740 та, бу йил эса 510 та жонивор ўлиги йиғиштириб олинди.
Изоҳ (0)