АҚШ президенти Дональд Трампнинг катта маслаҳатчилари ундан КХДР етакчиси Ким Чен Инни ҳақорат қилмаслигини илтимос қилган. Бу ҳақда Los Angeles Times’га таяниб, «Газета.ru» хабар берди.
Таъкидланишича, бу каби баёнот билан БМТ Бош ассамблеясида чиқиш қилиш кескинликнинг ортишига олиб келади ва музокаралар учун ҳеч қандай имкон қолдирмайди, дейилган Трампга.
Шунингдек, хабар қилинишича, чиқишдан бир кун олдин Трамп нутқининг қоралама нусхасида КХДРни «бутунлай йўқ қилиб юбориш» таҳдиди ва Ким Чен Инни «Ракета одам» дея атаган лақаби бўлмаган.
Олдинроқ АҚШ президенти Дональд Трамп Шимолий Корея етакчиси Ким Чен Инни жинни деб атади ҳамда у келажакда улкан қийинчиликларга дуч келишини таъкидлаб ўтгани хабар берилганди.
Изоҳ (0)