Индонезиянинг Бали оролида жойлашган Агунг вулқонининг ҳаракати фаоллашгани сабаб одамларни эвакуация қилишга тўғри келди. Бу ҳақда «РИА Новости»га таяниб, «Корреспондент.net» хабар берди.
Таъкидланишича, вулқон август ойининг ўрталарида фаоллашган, шундан сўнг унинг фаоллиги яна сусайган. Ҳозирда ушбу вулқон яна қайта «жонланди».
Эвакуация ишлари 20 сентябрь, чоршанба кунидан бошланган. Индонезия табиий офатлар оқибатларини бартараф этиш бўйича миллий идорасининг вакили (BNPB) Сутопо Пурво Нугрохонинг маълум қилишича, ҳозирга қадар мингдан ортиқ одам хавфсиз жойга кўчирилган.
Бали губернатори Маде Манку Пастика вулқон отилиши оқибатида юзага келиши мумкин бўлган ҳар қандай ҳолатларга тайёр туриш лозимлигини айтди. «Биз Бали аҳолисига ва бутун дунёга энг ёмон ҳолатга ҳам тайёр эканлигимизни айтишимиз мумкин, аммо бу юз бермайди деган умиддамиз», — деди губернатор.
Изоҳ (0)