Стратегик ядро кучлари Франция мудофаа доктринасининг таянч нуқтаси бўлиб қолади ва уларни сақлаш ҳамда модернизация қилиш қимматлигига қарамай, қисқартирилмайди. Бу ҳақда мамлакат қуролли кучлари вазири Флоранс Парли маълум қилди, дея хабар беради «ТАСС».
«Ядровий тийиб туриш тамойили ва унинг икки — ҳаво ва ҳарбий-денгиз компоненти сақланиб қолади. Улар суверенитет ва хавфсизликка асосланган сиёсатимиз марказидан ўрин олган», — деди вазир француз армияси ядро қуролига харажатлар ошиши кутилаётганига изоҳ берар экан.
Франция ҳукуматига режаларига кўра, 2020 йилдан мамлакат ядро кучлари модернизацияси бошланади. Гап сувости ракета ташувчилари янги авлодини ишлаб чиқиш, М51 сувости кемаларида жойлаштириладиган баллистик ракеталар учинчи авлодини яратиш, шунингдек, ASMP-A қанотли ракеталарини алмаштиришга тайёргарлик ҳақида кетмоқда.
Бу Франция стратегик ядро кучларига сарфланадиган харажатлар йилига 3,5 миллиард доллардан 6 миллиард долларга кўпайишини талаб этиши билдирилмоқда.
Изоҳ (0)