Париж ва Мехиконинг геноцид ҳамда бошқа кенг кўламли жиноятларга қарши ҳаракатларни кўриб чиқишда БМТ Хавфсизлик кенгаши доимий аъзолари томонидан вето қўллаш ҳуқуқидан ихтиёрий воз кечишлари бўйича ташаббусини 114 та давлат қўллади. Бу ҳақда «РИА Новости» хабар беради.
Франция давлат котиби Жан-Батист Лемуан 100 дан ортиқ давлат вето ҳуқуқини чеклашни қўллаётганига муносабат билдирар экан, «бу БМТга аъзо давлатларнинг ярмидан ошиғи унинг қанчалик самарали эканлигини тушунишларини англатиши»ни айтди.
«Билдирилаётган таклиф ўта долзаб, чунки Суриядаги уруш давомида биз кўрганларга ўхшаш янги фожиаларга дуч келмаслигимизга кафолат йўқ», — деб Франция давлат котибининг сўзларидан келтиради «ТАСС».
Давлат котибига кўра, Франция иштирокида Суриядаги вазиятга тааллуқли бир неча резолюция Хавфсизлик кенгашида овозга қўйилган, бироқ Россия ва Хитой томонидан «ветолар туркуми» туфайли барчаси чиппакка чиққанди.
Изоҳ (0)