Мусулмон муҳожирларнинг кўпчилиги ирқий белги бўйича дискриминация борлигига қарамасдан, Европа иттифоқида Европа ҳамжамияти билан чамбарчас алоқани ҳис қилади, унинг демократик институтларига ишонади ва Европани ўз уйи деб ҳисоблайди. Бу ҳақда Европа иттифоқининг асосий ҳуқуқлар бўйича агентлиги маърузасида айтилади, деб ёзади «ТАСС».
2016 йилда ўтказилиб, 10 мингдан ортиқ мусулмон муҳожирлар ва уларнинг фарзандларини қамраб олган тадқиқотда мутахассислар уларнинг ҳаётий шароитларини ва Европага тегишлилигини беш балли шкалада баҳолашни сўради.
Сўралганларнинг кўпчилиги 4 дан 5 гача баҳо берди ва у Евроиттифоқ бўйича ўртача 4,1 баллни ташкил қилди. 76 фоиз мусулмонлар Евроиттифоқда ўзлари яшаётган мамлакат билан чамбарчас боғлиқ деб ҳисоблайди.
Энг ёмон натижалар Австрия, Нидерландия ва Италияда қайд этилди — ушбу мамлакатларда ўртача балл 3,5 га тенг бўлди.
Изоҳ (0)