Петербурглик стилист Юлия Журавлёва ўз Facebook саҳифасида Москвадаги «Зарядье» истироҳат боғига киришда полициячилар унинг сумкачасига билдирмай наркотик солиб қўйиб, сўнг пора бериб қутулишни таклиф қилгани ҳақида гапириб берди, деб ёзади Afisha Daily.
Воқеа 19 сентябрь куни боғга киришда ўрнатилган металл детектордан ўтишда юз берган. Полиция ходимлари қиздан сумкачасини узатишни сўраган ва гўёки, ундан наркотик «топган».
Журавлёва наркотик қабул қилмаганини исботламоқчи бўлган ва тегишли анализни топширмоқчи бўлган, аммо бу полициячиларни қизиқтирмаган. Улар очиқчасига «келишиб олишни» таклиф қилган. Шунда қиз ёнида бор нақд пулларининг барчасини уларга берган. Шу пайтда ҳуқуқ-тартибот органларининг яна бир ходими кириб қолиб, гап нимадалигини билгач, ҳамкасбларига қизни қўйиб юборишни ва пулларини қайтариб беришни буюрган.
Петербурглик қиз тез кунларда полицияга мурожаат қилиб, айбдорларни жазолашни талаб қилишга ваъда берди.
Изоҳ (0)