Испания полицияси ушбу автоном вилоят ҳокимиятининг мустақиллик бўйича референдум ўтказишга тайёргарлиги муносабати билан каталон ҳукумат идораларида тинтув ишларини бошлаб юборди. Бу ҳақда El Pais’га таяниб, «Интерфакс» хабар берди.
Нашрнинг маълумотларига кўра, тинтув ишлари иқтисод, ташқи ишлар, бандлик ва ижтимоий масалалар билан шуғулланувчи каталон муассасалари биноларида, шунингдек, Каталония ҳукумати биносида бошланган.
Ўтган ҳафта охирида Каталониядаги 700 дан ортиқ шаҳарларнинг мэрлари мустақиллик бўйича 1 октябрда ўтказилиши режалаштирилган референдум юзасидан марш уюштирган эди.
Аввалроқ, Испания бош прокурори Хосе Мануэль Маса Испания полициясига, фуқаролик гвардиясига ва Каталония автоном полициясига мустақиллик борасидаги референдумга тегишли бюллетенлар ва сайлов қутиларни мусодара қилишни буюришини айтганди.
Шунингдек, Масанинг буйруғига кўра, туман полиция бўлимлари референдум ўтказилишига ёрдам кўрсатган Каталония мерларини маҳаллий прокуратурага чақириб сўроқ ўтказиши лозим. Ўз хоҳиши билан келишни истамаганлар эса полиция томонидан қўлга олинади. Мэрлар жиноий жавобгорликка тортилиши мумкин.
Изоҳ (0)