Россиянинг Владивосток шаҳрида 15 ёшли қизни поезд уриб юборди, деб Россия ИИВнинг Узоқ Шарқ федерал округи бўйича транспорт бошқармаси матбуот хизмати хабар бермоқда.
15 ёшли икки нафар қиз денгизга чиқиш учун «Чайка» ва «Вторая речка» станциялари оралиғида темир йўлни кесиб ўтаётганда бахтсиз ҳодиса содир бўлди.
«Қизларни кўрган машинист дарҳол тормозни босиб, тўхташга уринган. Қизлардан бири поездни кўриб четроққа қочишга улгурган, иккинчиси эса ўзини йўқотиб қўйган. Тўқнашувнинг олдини олиш имкони бўлмаган», — дейилади хабарда.
Ҳодиса оқибатида қизча ўнг тос суяги синиши жароҳатини олган. У Владивосток ўлкаси шифохонасига олиб кетилган.
Ҳозирда ҳодиса юзасидан текширув ишлари олиб борилмоқда.
Изоҳ (0)