Саффира – Симпсон ўлчови бўйича максимал, бешинчи даражага чиққан «Мария» довули 18 сентябрь, якшанба куни кечки пайт Кариб денгизининг орол-давлатлари, жумладан, Доминикага ёпирилди. Бу ҳақда «ТАСС» хабар бермоқда.
Доминика бош вазири Рузвельт Скерритга кўра, табиий офат унинг Розо шаҳридаги расмий қароргоҳи томини учириб кетди.
«Қароргоҳимнинг томи учиб кетди. Мен буткул довул ҳукми остидаман. Уйни сув босяпти», —дея ёзув қолдирди Скеррит Facebook’даги саҳифасида. Бир неча дақиқадан сўнг у қутқарилганини маълум қилди.
Гувоҳларнинг билдиришича, довул оролнинг бош касалхонаси томини ҳам омон қолдирмади.
Изоҳ (0)