Мьянма давлат маслаҳатчиси ва ташқи ишлар вазири, амалда мамлакат сиёсий етакчиси ҳисобланувчи Аун Сан Су Чжи мамлакатнинг ғарбида жойлашган Ракхайн штати ҳудудидаги инсон ҳуқуқларини поймол қилинишини қоралади. Бу ҳақда «ТАСС» хабар бермоқда.
«Инсон ҳуқуқларини бузганликда айбланганларнинг барчаси қонун олдида жавоб бериши керак», — дейди Аун Сан Су Чжи Facebook’даги саҳифасида тўғридан-тўғри намойиш этилган Нейпидодаги парламент аъзоларига мурожаатида.
Мамлакатнинг сиёсий етакчиси август ойининг охирида Ракхайн штатида зўравонликлар туфайли 400 дан ортиқ кишининг ҳалок бўлишига шу тарзда муносабат билдирди.
Шунингдек, Аун Сан Су Чжи Мьянма Ракхайндаги зўравонликлардан сўнг мамлакатга қайтиш истагида бўлган қочоқларни текширувдан ўтказишга тайёр эканлигини ҳам маълум қилди.
«Биз мамлакатга қайтиш истагида бўлган қочоқларни текширишга тайёрмиз», — дейди Су Чжи.
У халқаро ҳамжамият томонидан Мьянмадаги муаммоларга жиддий эътибор қаратилаётганидан чўчимаслигини таъкидлади.
Ракхайндаги зўравонликлардан сўнг август ойи охирида 400 мингдан ортиқ роҳинжа мусулмонлари республикани тарк этди. Мьянма ҳукумати уларни ўз фуқароси сифатида тан олмайди.Аввалроқ республика ҳукумати ўз фуқаролигини тасдиқлаганларга мамлакатга қайтишга рухсат беришини маълум қилган эди.
Изоҳ (0)