Нью-Йоркдаги учрашув давомида АҚШ Давлат котиби Рекс Тиллерсон ва Россия ташқи ишлар вазири Сергей Лавров Сурияда зўравонлик кўлами пасайишини ёқлашларини тасдиқлади. Бу ҳақда Давлат департаменти расмий вакили Хизер Нойерт маълум қилди, дея хабар беради «Газета.ru».
«Улар Сурияда ҳарбий операциялар ўтказиш давомида можароли вазиятларни бартараф этиш, мамлакатда зўравонлик кўламини пасайтириш ва БМТ Хавфсизлик кенгаши резолюциясига мувофиқ Женева жараёнини илгари суриш учун шароитлар яратишни ёқлашларини тасдиқлади», — таъкидлади Нойерт.
Эслатиб ўтамиз, олдинроқ АҚШ бошчилигидаги халқаро коалиция Россияни Сурия мухолифат кучларига авиазарба беришда айблаганди.
Изоҳ (0)