Ҳозирда Канаданинг Мистастин кратер кўли жойлашган жойда тахминан 38 миллион йил аввал циркон фианитга айланган. Бу фақат 2370 даража ҳароратда юз бериши мумкин, деб ёзади «Naukatv.ru».
Метеоритлар Ерга қулаган вақтда зарба нуқтасида ҳарорат ҳаддан ташқари юқори кўрсаткичларгача кўтарилади. Сайёра ҳали ёш бўлган пайтларда бундай таъсирлар унинг атмосферасини, қобиғини ўзгартирган, шунингдек, Ерда яшаш шароитига таъсир қилган. Аммо аниқ ҳароратларни белгилаш жуда қийин, чунки бундай табиий офатлар натижасида ҳатто метеоритлар ва ер жинсларининг ўзлари ҳам йўқ бўлиб кетган.
«Қандай далиллар тошларни йўқ қилиб юборишга қодир ҳодисалардан омон қолиши мумкин?» — деди Берклидаги Калифорния университетидан Бенжамин Блек.
Олимлар тахмин қилишича, бунда гап чамаси 2000 даражали ҳароратлар ҳақида бормоқда, аммо аввалига уларда далилий ашёлар йўқ эди. Мистастинда топилган фианит эса вазиятни ўзгартирди.
Кашфиётни амалга оширган Кертин университети (Австралия) ходимлари бунгача фианитни ҳароратлар қайдлари нуқтаи назаридан ҳеч ким кўриб чиқмаганлигини айтди. Бу, олимлар таъкидлашича, Ердаги тошлар шундай даражагача қизиб кетганининг биринчи далилидир.
Изоҳ (0)