Эдмонтондаги Макоун университети раҳбарияти ўқув юртининг кичик ходимлари фишинг ҳужуми қурбони бўлгани ва фирибгарларга 11,8 миллион Канада доллари (9,5 миллион АҚШ доллари) ўтказиб берганини маълум қилди. Бу ҳақда TJournal хабар бермоқда.
Фирибгарлар ўқув юрти шерикларидан бирининг доменига ўхшаш доменни рўйхатдан ўтказди ва логотипи бир хил бўлган сайт нусхасини яратди. Ўхшаш электрон почта ҳам ишга туширилиб, ундан етказиб берувчи компания номидан банк реквизитлари ўзгаргани, шу сабабли энди пулларни бошқа ҳисоб рақамга жўнатиш зарурлиги ҳақида билдиришнома жўнатилади.
Университет ходимлари алдовни пайқамади ва 9 кун ичида 3 та операцияни амалга оширди: биринчи марта 1,9 миллион, сўнг 200 минг, охирги бор эса 9,9 миллион Канада доллари юборди. Якуний операция 19 август куни амалга оширилди, 23 август куни эса ҳақиқий етказиб берувчи компания пул ўтказмалари амалга оширилмагани сабабини тушунтириб беришни талаб қилди.
Полиция маблағ Канада ва Гонконгдаги ҳисоб рақамларида эканлигини аниқлаш ва аксарият қисмини музлатиб қўйишга эришди. Ҳозирда университет юристлари уларни қайтаришга уринмоқда, фақат 400 минг доллар қаерга юборилгани номаълум бўлиб турибди.
Изоҳ (0)