«Харви» довулидан сўнг Техаснинг Синтон шаҳри кўчалари бўйлаб ем пакетини тишлаганча айланиб юрган ит фотоси тармоқда оммалашди. Уни шаҳарда истиқомат қилувчи Тиле Докенс Facebook’да жойлаштирди.
«Итнинг эгаси топилди. У дайди эмас, кўчага чиқиб кетган, холос. Уни Отис деб аташади», — дея ёзув қолдирди Тиле Докенс.
Чоустон Chronicle нашрига кўра, жонивор 65 ёшли Сальвадор Сеговиянинг набирасига тегишли. 5 ёшли бола шаҳарни тошқин сабабли тарк этди, ит эса қолди. Отис 25 август, жума куни кечки пайт уйдан қочиб кетади, эртасига эрталаб эса кекса эркак эшик олдида сақланган емиш пакетларидан бири йўқолганини пайқади.
Қўшнилар унга пакетни тишлаб олган итни кўчада кўришганини айтади. Отис топилгани ва уйига қайтарилгани билдирилмоқда.
Изоҳ (0)