АҚШ чегара хизмати Мексикадан кириб келаётган машина юкхонасида бенгал йўлбарсининг боласи борлигини аниқлади, дея хабар бермоқда Meduza.
18 ёшли америкалик Луи Эудоро Валенсия жониворни чегара яқинидаги Тихуана шаҳрида 300 доллар эвазига сотиб олганини маълум қилди. Унга нисбатан контрабанда билан шуғулланиш айблови эълон қилинди.
Йўлбарсча эса Сан-Диего ҳайвонот боғига топширилди. Ветеринарларнинг сўзларига кўра, жонивор соғлом. Унинг туғилганига тахминан беш-олти ҳафта бўлган.
Маҳаллий маъмурият йўлбарс боласини қаерга жойлаштириш борасида якуний бир қарорга келмагунича, у Сан-Диего ҳайвонот боғида парваришланади.
Изоҳ (0)