Қатар ўтган йилда Эрондан чақириб олинган элчисини яна қайтариб Теҳронга юборади. Бу ҳақда Қатар ТИВ матбуот хизматига таяниб, «Коммерсантъ» хабар берди.
«Қатар ҳукумати Эрон Ислом Республикаси билан барча соҳада икки томонлама муносабатларни мустаҳкамлаш истагида эканлигини билдирди», — дейилади хабарда.
Қатар ўзининг дипломатик вакилини Эрондан 2016 йилнинг январь ойида чақириб олганди. Бу каби қарор Саудия Арабистонининг Теҳрондаги элчихонасига уюштирилган ҳужумга норозилик сифатида қабул қилинган эди. Ўтган йилда Форс кўрфази давлатлари орасидаги муносабатлар шиа оқими имоми Нимр ал-Нимра қатл этилгани ва унга жавобан Саудиянинг дипломатик элчихонаси биносига уюштирилган ҳужум оқибатида кескинлашганди.
Жорий йилнинг июнь ойида халқаро можаролар марказида Қатарнинг ўзи қолиб кетди. У билан бир нечта араб давлатлари алоқаларни узди. Дипломатик ҳаракатлар Қатар амири Тамим бин Ҳамад ал Таний Эрон билан яқинлашиш зарурлиги ҳақида билдирган баёнотидан сўнг яна бошланди.
Изоҳ (0)