1913 йилда қурилган, Шерлок Холмс ҳақидаги собиқ иттифоқ фильмлари суратга олинган ҳовли-жой таъмирдан чиқарилган ва ҳозирда шаҳар ташқарисидаги қароргоҳ сифатида фойдаланилмоқда, у ерда Россия президенти Владимир Путин ҳам дам олади, дея хабар бермоқда «Дождь».
Россиянинг Ленинград вилояти Виборг туманида жойлашган қароргоҳ қўшниларидан бирининг сўзларига кўра, Путин у ерга одатда йилига бир марта учиб келади.
«Уларнинг девори — беш километр. Бутун ўрмонни, бутун соҳилни беришди. Одамлар балиқ тутишга борадиган жой йўқ», — деди манба.
Телеканал таъкидлашича, вилла эгалари Путин ҳамда «Россия» банки акциядорларига алоқадор кишилар бўлиб чиққан.
«Росреестр» маълумотларига кўра, қароргоҳ ҳудудидаги барча иншоотлар «Север» компаниясига тегишли. 2014 йилгача бу компанияга Болтиқ медиа гуруҳи раҳбари Олег Рудников эгалик қилган. Унинг ўлимидан кейин ўғли Сергей қўлига ўтган.
Шунингдек, «Дождь» телеканали маълумотларига кўра, қароргоҳнинг таъмирланишига Илья Трабернинг ҳам алоқаси бўлиб, уни ОАВлар Петербург жиноят оламининг етакчиларидан бири деб атамоқда.
Изоҳ (0)