Бразилиянинг Шингу дарёсида кема ҳалокатга учраши оқибатида камида тўққиз киши ҳалок бўлди. Бу ҳақда Globo’га таяниб, «Коммерсантъ» хабар берди.
Телеканал маълумотларига кўра, ҳалок бўлганлар орасида кема капитани ва иккита ёш бола бор. Айни вақтда яна 40 нафар йўловчини қидириш бўйича ишлар бошланган. Кемада умумий миқдорда 70 киши бўлган, улардан 15 нафари қутқарилди, қолганлари эса бедарак йўқолган дея ҳисобланмоқда.
Ҳуқуқ-тартибот ходимларининг аниқлашича, кечаси Сантарена шаҳридан Витория-ду-Шингуга қараб йўл олган ушбу кеманинг йўловчи ташиш лицензиясига эга бўлмаган. Ҳалокатга расман нима сабаб бўлгани ҳозирча айтилмади, бироқ омон қолганлардан бирининг AP агентлигига маълум қилишча, кема том маънода «иккига ажралиб кетган».
Изоҳ (0)