Исроил ҳарбий-ҳаво кучлари яҳудий давлати ҳудуди Фаластиннинг ҲАМAС ҳаракати жангарилари томонидан ракета билан ўққа тутилгач, 8 августдан 9 августга ўтар кечаси Ғазо секторига жавоб зарбасини берди, деб ёзади «ТАСС».
«Жавоб ҳаракатлари сифатида Исроил Мудофаа армияси ҳарбий-ҳаво кучлари ҲАМAСнинг Ғазо сектори шимолидаги иккита таянч пунктига ҳужум қилди», — дейилади мамлакат қуролли кучлари тарқатган хабарда. Қурбонлар ёки вайронагарчиликлар ҳақида маълумот йўқ.
Нашр эслатишича, 8 август, сешанба куни кечқурун Исроил жануби-ғарбидаги Ашкелон шаҳри ракета ёмғири остида қолди. Ғазо секторидан учирилган ракета шаҳар яқинига тушди, ҳеч ким жабрланмади.
Изоҳ (0)