8 август, сешанба куни Венесуэла пойтахти Каракасга хизмат кўрсадиган Майкетия аэропортида юз берган отишмада бир киши ҳалок бўлди ва яна бир киши яраланди, деб ёзади «ТАСС».
Ҳужумда адвокат Кельвин Альварадо қурбон бўлди. У рўйхатга олиш пештахтаси ёнида ўлдирилди, унинг яқинида турган авиакомпания ходими жароҳатланди. Ҳуқуқшунос Доминика Республикасидан етиб келган ва Сулия штатидаги Маракайбо шаҳрига отланган. Ҳужум қилган шахслар жиноят жойидан қочиб кетди.
Венесуэлада зўравонлик сўнгги йилларда мисли кўрилмаган даражада авжига чиқиб кетди. Бош прокуратура маълумотларига кўра, 2016 йилда мамлакатда қасддан ўлдириш даражаси 100 минг кишига 70 та ҳолатни ташкил қилди. 21,75 минг киши зўравонлик қурбонларига айланди, уларнинг 12 мингдан ортиғи 15—30 ёшда бўлган.
Изоҳ (0)