Маккейн Трампга ҳаракат қилишга тайёр бўлмасдан туриб, КХДРга таҳдид қилмасликни маслаҳат берди

Америкалик сенатор Жон Маккейн АҚШ президенти Дональд Трамп ҳаракат қилишга тайёр бўлмаса, Шимолий Кореяга таҳдид қилиши керак эмаслигини айтди, деб ёзади «Газета.ru».

Унинг сўзларига кўра, «айтаётган нарсангни амалга ошира олишингга ишончинг комил бўлиши керак».

«Мен кўрган буюк етакчилар ҳаракат қилишга тайёр бўлмаса, таҳдид қилмайди, мен эса президент Трамп ҳаракат қилишга тайёрлигига ишончим комил эмас», — деди Маккейн.

Шунингдек, у Трампнинг КХДРга қаратилган таҳдиди «жиддий» бўлган-бўлмаганини билмаслигини айтди.

Шу билан бирга, Маккейн КХДР етакчиси Ким Чен Ин ҳақиқатан ҳам урушга тайёр деб ҳисобламайди.

«Пхеньяндаги етакчи ақлдан озган деб ўйлайман, аммо у чегарадан чиқишга тайёр эмас», — деди сенатор.