Iroqda 27 kishi 2014-yilda IShID terrorchilik tashkiloti nazorati ostidagi hududda ommaviy qotilliklarda qatnashgani uchun, o‘lim jazosiga hukm qilindi, deb yozadi “Korrespondent.net”. O‘shanda 1700 kishi o‘ldirilgan edi.
“Markaziy jinoiy sud Shpeyxerdagi ommaviy qotilliklardagi ishtiroki uchun sudlangan 27 ayblanuvchiga nisbatan hukm chiqardi”, — deyiladi Iroq Oliy sud kengashi vakili sudya Abdul Sattor al-Berakdar tarqatgan bayonotda.
Uning ta’kidlashicha, qaror “dastlabki bo‘lib, shikoyat berilishi mumkin”.
“Shpeyxerdagi qirg‘in” deb nomlanuvchi ommaviy ish bo‘yicha 2016-yilda ham 36 kishi qatl etilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)