Судья Сержиу Моро Бразилия федерал прокуратурасининг мамлакат собиқ президенти Лулу да Силвага нисбатан коррупцияда янги айбловлар эълон қилиш ҳақидаги талабини қондирди. Бу ҳақда «ТАСС» хабар бермоқда.
Суд қарорига кўра, мазкур иш бўйича Бразилиянинг Odebrecht ва ОAS қурилиш компаниялари эгалари ҳамда собиқ раҳбарларига ҳам айбловлар эълон қилинди. Улар пора берганликда айбланмоқда.
Тергов тахминича, компаниялар Сан-Паулу штатининг Атибайя аҳоли пунктидаги собиқ президентга тегишли кошонани таъмирлашга 1, 02 миллион реал (320 минг доллар) сарфлаган.
Собиқ давлат раҳбари ўз айбини рад этди ва Атибайядаги кошона ҳеч қачон унга тегишли бўлмаганини таъкидлади. Бу Бразилияда Лулу да Силвага нисбатан қўзғалган олтинчи жиноий иш ҳисобланади.
Изоҳ (0)