АҚШ президенти Дональд Трамп ўғли кичик Дональднинг Россиялик юрист Наталья Веселницкая билан учрашуви тафсилотлари баён қилинган матбуот учун баёнотини ўзи айтиб ёздирган. Бу ҳақда «Газета.ru» хабар бермоқда.
Мазкур баёнот «чалғитувчи тусда» бўлгани билдирилмоқда.
ОАВда кичик Дональд юрист билан учрашгани ҳақида маълумот пайдо бўлганида президент маслаҳатчилари бу борадаги янги тафсилотлар ошкор бўлмаслиги учун унинг ўғли Веселницкая билан учрашуви ҳақида ҳақиқатни айтишини таклиф этганди. Бироқ орадан бир неча соат ўтиб президент кўрсатмасига мувофиқ «режа ўзгаради».
Газетага кўра, 8 июль куни, Германиядан қайтаётганда Трамп ўғлининг баёнотини шахсан айтиб ёздирган. Унда кичик Дональд ва Веселницкая биринчи галда «Россиялик болаларни асраб олиш муаммосини муҳокама қилгани», учрашув чоғида сайлов кампаниясига оид масалалар кўриб чиқилмагани таъкидланган.
Изоҳ (0)