Россиянинг жорий йил биринчи ярмида Суриядаги йўқотишлари Мудофаа вазирлиги расмий маълумотларидан тўрт маротаба ортиқ. Бу ҳақда ҳалок бўлганларнинг қариндошлари ва дўстлари билан мулоқотда бўлган Reuters маълум қилди, дея хабар беради Meduza.
Агентликка кўра, йил бошидан бери Сурияда 40 нафар россиялик, жумладан, 17 нафар ҳарбий хизматчи ва хусусий ҳарбий компанияларнинг 21 жангчиси ҳалок бўлди. Яна икки қурбоннинг қайси тоифага мансублигини аниқлашнинг имкони бўлмади.
Мудофаа вазирлиги расман атиги 10 нафар ҳарбий хизматчи ҳалок бўлганини маълум қилди.
Шу тариқа Россиянинг жорий йил ярмидаги йўқотишлари Сурияда операция бошланганидан (2015 йил сентябридан) бери ҳалок бўлганлар сонидан ошиб кетди. 2017 йилга қадар бу ерда 36 ҳарбий ва жангчи ҳаётдан кўз юмганди.
Изоҳ (0)