Германия жанубидаги болалар лагерига довул ёпирилиши оқибатида камида бир бола ҳалок бўлди, 4 нафари яраланди. Бу ҳақда «ТАСС» хабар бермоқда.
Ҳодиса 2 август, чоршанбага ўтар кечаси Баден-Вюртемберг федерал еридаги Рикенбах шаҳри яқинида рўй берди. 21 нафар бола ва 4 нафар тарбиячидан иборат гуруҳ очиқ осмон остида чодирлардан иборат лагер тиклади.
Тунги пайт бўрон бошланди ва лагер ҳудудидаги дарахтлардан бирини яшин уриб, чодирга қулади. Жароҳат олган болалардан бирининг ҳолати оғир эканлиги айтилмоқда.
Изоҳ (0)